آشیانوں ٹری آ پھیلی، سارے چمن اندر روئداد میری

آشیانوں ٹری آ پھیلی، سارے چمن اندر روئداد میری
ایڈ ککھاں دا ساڑ سی بجلیاں نوں، بھلا ہے کی سی جائداد میری

خانہ کعبیوں نکل کے بت خانے، بت خانیوں ساقی تے ڈیریاں تے
ہائے افسوس انجیں زندگانی ہو گئی دھکیاں وچ برباد میری

میرے جوش جنون نے ایس واری کوئی زندان دکھا کے چھڈ نائیں
فساد لئی فساد دی میں نشتر، اجے پھڑی نہ رگ فساد میری

اوس ستم گر دی ستم گری نالوں، ستم گری ودھ میرے پیار دی اے
کراں جدوں فریاد دعا منگاں، ربا کرے نہ اثر فریاد میری

ہم نشین سُن کے خبرے کیہ آہندے، خبرے کیہ اوہ شوخ جواب دیندا
پردہ لیا خدا نے رکھ میرا، عرض رہی نہ قاصد نوں یاد میری

جھٹ مجلس وعظ وچ بیٹھا، بادہ کشاں وچ جھٹ گزار آیا
فضل کراں کیہ بجھ کے اک تھاویں، ٹکن دے نہ طبع آزاد میری