20
ف فیر کھلو کے صفت کرناں،
ایہناں تریمتاں خان نِوا دِتے
راجے بھوج تے چڑھ اسوار ہوئیاں،
مار اَڈّیاں عقل بُھلا دِتے
پُورن بھگت وچارا سی کون کوئی،
یوسف جیہے تاں کُھوہ پوا دِتے
قادریار تریمتاں ذات ڈاڈھی،
دہسر جیہے تاں تھاں مروا دِتے
21
ک کرم جاں بندے دے جاگدے نی،
رب آن سبب بنانودا اے
سروپا پہناوندا قیدیاں نُوں،
دُکھ دے کے سُکھ دیکھاوندا اے
رب بےپرواہ بے انت ہے جی،
اوہدا انت حساب نہ آوندا اے
قادریار ہے راستی مُول ایویں،
پُورن رب تھیں راستی پاوندا اے
