پتھر ہوئی اکھ دا نوحہ

رفاقت حسین ممتاز

بھاویں ڈانگاں دے نال مارو
اک اجہی کندھ آں میں
یا تے ہاں منزل دا آگو
یا صدیاں دا پندھ آں میں
چپ آں مڑھیاں تے قبراں دی
ڈاہڈی کلی جوہ آں میں
سڑدی بلدی دھپ آں خورے
یا فر پکا کھوہ آں میں
کیڑِیاں بھریا ٹُک آں خورے
یا اک مٹھ سواہ دی آں
میں تے ہاں دُکھاں دا لاڑا
میں تے مٹی راہ دی ہاں
ٹٹی ہوئی ونگ آں خورے
اُڈدا ہویا ککھ آں میں
بلدا بُجھدا سفنا کوئی
پتھر ہوئی اکھ آں میں

دوجی لِپی وچ پڑھو

Roman    ਗੁਰਮੁਖੀ   

رفاقت حسین ممتاز دی ہور شاعری