رفاقت حسین ممتاز

سُکھالا جیون

کسے اظہار دے پِچھے

کوئی اظہار تے ہندا

کوئی انکار نئیں جے تے

کوئی اقرار تے ہندا

جے میں برباد ہاں تے کیہ

کوئی آباد تے ہندا

جے میں نئیں تے میری تھاں تے

میرا ہمزاد تے ہندا

کسے ملکوں کسے خاطر

کوئی گلفام تے آوندا

کوئی اک شعر اُڈ کے تے

بنیرے بام تے آوندا

بے رنگی شام دا موسم

ذرا رنگین ہو جاندا

میرے جہے مرن والے دا

سکھالا جین ہو جاندا

Read this poem in: Roman  ਗੁਰਮੁਖੀ 

رفاقت حسین ممتاز دی ہور شاعری