زندگی دی ونگ

تنگ سی حلقہ بڑا زنجیردا

رستیاں تے خار سن کھلرے ہوئے

اڈیاں توڑی گریباں چاک سن

جس طرحاں سن تازیے نکلے ہوئے

کنڈ پچھے اکھیاں دے ساہمنے

دور تیکر شوکدے پھنیئر وی سن

دور تیکر وہم سی اک اونگھدا

دور تیکر خوف دے لشکر وی سن

شک ساڈا ہور پکا ہو گیا

یار وی سن دشمناں دے نال دے

ساڈیاں نہوواں دے وچ پہلاں ای سن

ڈھنگ سارے دوستاں دی چال دے

جیندیاں لاشاں لہو وچ نہاتیاں

منزلاں تے خون دے چھٹے وی سن

رت وچ لبڑی ہوا دی جیبھ تے

موت دے وکھرے جہے نوحے وی سن

نفرتاں دی سیم دا کریئے علاج

توڑیے شیشے دلاں دے زنگ دے

گولیاں دی تھاں محبت بیجیے

گیت گایئے زندگی دی ونگ دے

جنگ بندی دا نکارہ مار کے