میں اپنی وصیت لکھ لئی اے
تاں جے بعد وچ
ونڈدے ویلے، رولا نہ پئے
میرا جو کجھ وی ہے
اوہدے چار حِصّے کیتے جان
پہلا حِصّا بارش لئی
دُوجے حِصّے دا ادّھا
پورے چن دی چاننی لئی
باقی ادّھا، میرے وائلن لئی
تیجے حصے دا ادّھا
شہر دے باگاں وچ
اپریل دے مہینے
کھِڑن والے پھُلاں لئی
باقی ادھا حِصّا
اوس جھیل لئی، جہدے وچ
”اوہدیاں” اکھیاں ورگے
کمل دے پھُل تَردے نیں
تے باقی جو کجھ بچے
اوہ کسے لایبریری نوں دتا جاوے