میرے گھر دیاں کندھاں دے وچّ، جے کر آلے ہُندے

میرے گھر دیاں کندھاں دے وچّ، جے کر آلے ہُندے
اپنی شہرت خاطر میں وی، دیوے بالے ہُندے

دن چڑھدا تے ساری خلقت اکھیاں کھول کے ویہندی،
لکو کدی نہیں رہندے کدھرے، جدوں اجالے ہُندے

اوہناں دے اندر دا ہر اک کمرہ خالم خالی،
جنہاں گھراں دے بوہیاں اُتے لگے تالے ہُندے

نویں دور دی سبھ توں وڈی کمزوری اے دولت ،
اوتھے بھیڑاں لگن جتھے دولت والے ہُندے

پچھلی عمرے میرے کول نہیں، کوئی وی اپنا پیارا،
آل دوآلے رہندے جے میں سپّ وی پالے ہُندے

ایس دور دی ہیراپھیری، ساڈا اوہلا بن گئی
نہیں تے ساڈیاں ہتھاں دے وچّ زہر پیالے ہُندے

افرا تفری دی دھرتی تے اج میرے کم آؤندے،
پہلی عمر دے جے کُجھ لمحے رؤف سمبھالے ہُندے