میں کیہ چاہواں
توں کیہ چاہویں
مزدوراں دی دھرتی تے فِر
مزدوراں دا راج
لُٹ گھسٹ دے سارے پرزے
پُٹ کے گھلیے دُور
راج کرے مزدور
لہندے چڑھدے
دکھن سولھ
زنجیراں میں دیواں کھولھ
جاگیراں سبھ مال خزانے
کھوہ کے سبھ زرداراں توں
ونڈ دا وچ میں کمیاں دے
مُک جاون مفرور
راج کرے مزدور
نہ کوئی حاکم نہ محکوم
نہ ہووے مظلوم
سارے اس سنسار چوں یارو
رَل کے کُلی ظالم دا
کریے چکنا چور
راج کرے مزدور
چھنگ لے باہواں
چک لے ریفل
نہ چھڈ راول
دنیا دے وچ
اک وی لٹن والا سُور
راج کرے مزدور
حوالہ: کد مُکسن چھٹیاں قہر دیاں؛ ( ویکھو )
