میں کہیا! ایہہ کوئی گل تے نہیں نا

میں کہیا! ایہہ کوئی گل تے نہیں نا
چپ مسئلے دا حل تے نہیں نا

میرے دل وچوں نکل وی سکنایں
دل کوئی دلدل تے نہیں نا

عشق توں میں انجان ای سہی پر
تینوں وی کوئی ول تے نہیں نا

ٹھیک اے! میری چھاں وِرلی اے
سر تے امبر ول تے نہیں نا

منیا بندے اِکو جہے نہیں
تیرے گل وچ ٹل تے نہیں نا

میں کہناں لہو اِکو جہے نیں
اوہ کہندا اے کھل تے نہیں نا

تے دنیا میتھوں باغی صابر
توں دنیا دے ول تے نہیں نا؟

حوالہ: اِکو ساھے؛ سانجھ؛ صفحہ 14