نہیوں نبھنا نال تے چھڈ دے

نہیوں نبھنا نال تے چھڈ دے
مینوں میرے حال تے چھڈ دے

مینوں تیرے ورگے وادھو
تینوں وی نہیں کال تے چھڈ دے

کدی کدی تے دِل کہندا اے
روز ای جاندا اے ٹال، تے چھڈ دے

تینوں مرغ مبارک ہوون
میری روٹی دال تے چھڈدے!

مستقبل دے قاتل نیں اوہ
جو ماضی نوں حال تے چھڈدے

خط گَھلیا سی خالی ورقا
اُس لکھیا ہڑتال تے چھڈ دے

بس تو آون دا وعدہ کر لے
باقی گل وِصال تے چھڈ دے

توں صابر دا بھار کیہ چُکنا
اپنا آپ سنبھال، تے چھڈ دے

حوالہ: اِکو ساھے؛ سانجھ؛ صفحہ 51