تیرے اک اشارے تے

صابر علی صابر

تیرے اک اشارے تے
کوئی زندگی وارے تے

چارے تڑفے لارے تے
چن چاننی تارے تے

سورج ڈُب کے مر جائے گا
جے تُوں وال کھلارے تے

تے بندے وچ اللہ اے
بندہ بندہ مارے تے؟

چودہ طبق سی دل اندر
قبضہ کیتا ای سارے تے

دنیا پاگل کیہندی اے
سوچاں دنیا بارے تے

سوچ سہاگن ہوجاندی اے
جذبے ہوون کنوارے تے

قسمت ہار ای جاندی اے
بندہ ہمت ہارے تے

میں صابر نہیں رہ سکدا
ظالم کوئی ونگارے تے

Read this poem in Roman or ਗੁਰਮੁਖੀ

صابر علی صابر دی ہور شاعری