بدمعاشی ہر تھاں بہہ گئی اے تے ہلدی نئیں

بدمعاشی ہر تھاں بہہ گئی اے تے ہلدی نئیں
کسے وی بیبے بندے دی ہن چلدی نئیں

آدمیاں دا اینا ایتھے کال پیا اے
سو کوہواں تے اک وی بتی بلدی نئیں

ہور کیہ لبھے دوزخ جانا کتھے جاوے
بار چخائے رن وی پکھا جھلدی نئیں

چارے پاسے زہر بجھائیاں اکھاں نیں
اج کسے دی اکھ وی میرے ول دی نئیں

پیراں دے وچ تھل دے چھالے بلدے نیں
سِر توں دھپ دوپہر دی کدھرے ٹلدی نئیں

آکھو بلھے شاہ ہوراں نوں کتھے گئے او
اج کسے نوں لاج تہاڈی گل دی نئیں

حوالہ: مچ فقیراں؛ سانجھ؛ صفحہ 29