دنیا رنگ برنگی

صفدر ڈوگر

جے کل جگ نے دوزخ جانا
دوزخ مینوں جنت نالوں
لگدی اے فیر چوکھی چنگی
آپنی کلم کلے دی میں
خیر کدے نئیں پج منگی
کلم کلے رہن بہشتیں
چرسی فیمی مذہبی بھنگی
چولی کدے عبادت والی
جھنڈے لا لا میں نئیں ٹنگی
ساویں بھار ونڈایئے سب دے
کُھل ملے یا ہووے تنگی
سارے جگ دے رہن گے جتھے
ون سونے سوہنے سنگی
مینوں اوہو ای چنگی لگدی
دنیا چوکھی رنگ برنگی

Read this poem in Roman or ਗੁਰਮੁਖੀ

صفدر ڈوگر دی ہور شاعری