ان لکھیاں نظماں

اوہ میریاں ان لکھیاں نظماں نہ پڑھ سکدا سی
نہ میرے ہتھاں چ کھبیاں کلاں ویکھ سکدا سی
مزاراں دے دیوے بالدا
بلال ہیٹھ دفن چپ دا بھجیا دیوا نہ ویکھ سکدا سی
میں رات دی پوڑھی چڑھدی رہی
تے میری عمر سخر دوپہراں ورگی ہوگئ
نہ مینوں میرے حصے دی رات ملی
نہ دن
او میری سولاں دے نال ونھی میری جیبھ وی نہ ویکھ سکیا
تے اک دن کیہندا
توں پھیکے رنگاں دے پھل ورگی مردہ عورت اے
اج میرے انگ وچ ای نئیں
روح وچ وی تریڑاں پے گئیاں سن