جسم تے بھونکنا کچ دا گلاس بھرن توں سوکھا اے رب کی جانے بندے دے دکھ رب تے چھڑا چھانٹ اوہنوں کیہ پتہ بندہ بیری دے بیر نوں کیویں چٹدا چٹدا کھا جاندا اے بے قصوری دی سزا جرم توں وڈی کیوں ہوندی اے ۔۔۔۔؟ کون روز دیہاڑے بندیاں دی فصل کیوں وڈھ رہیا اے۔؟ رب میرے وانگوں اداس ہووے تے رووے میں چوڑی وانگ ٹٹی کڑی سی ہر ویلے بولدی رہیندی سوال تے سوال کردی میں ادھے مرے تے ادھے جیوندیاں رشتیاں نوں رب دا واسطہ دتا میری نیندر نہ کھووو مینوں میری مٹی دے دیو میں اپنا سرہانہ بنانا پاگل خانے دے لوک کھڑ کھڑ ہسے ہن میں خودکشی کرن والیاں کڑیاں دے ہتھاں اتے ہنجواں بین لکھ دی
