وے ہجرا !!!!
اچیرے رکھ تے
دو پکھواں دے گیت سن دے
وچھوڑے یار دے پنناں مینوں سکھا !
وے ہجرا!!!
آج شیشے وچوں
میں خود نوں تکیا
سدھراں سولی چڑھیاں ملیاں
وے ہجرا !!!
اوہدی یاد وچ رجھی
بس اک جھات دے درشن لئ
میں اپنا آپ گوایا
وے ہجرا !!!
اج کناں نے اک ہوکا بھریا
کنبن لگی اے جند نمانی
وے ہجرا !!!
اوہدی یاد وچ
آج وی روندی میرے پیر دی زنجیر
وے ہجرا !!!
اساں پیار دے بولاں اتے مردے رہے
ریتاں عشق دیاں نبھاوندے رہے
انہاں زہر پیالے دھرے
اساں چپ چپیتے پیندے رہے
وے ہجرا !!!
سپاں نال یاری لاکے
آس شہد دی پال دے رہے
ساڈی کپاہ دے انہاں پھندے بنائے
پھندے ساڈے گل پائے
سانوں کنڈیاں اتے گھسیٹتے رہے
اساں ہسدے رہے تے
فرض سن محبتاں جہیڑیاں
چپ چاپ نبھاوندے رہے
