پئی موت وجیندی ٹل سائیاں
ذرا سوچ سمجھ کے چل سائیاں
عِشقے وچ پردہ داری اے
نہ کاگ سُنیہے گھل سائیاں
اوہنے وی آخر چھڈ جانا
جدھے باہجھ نہ گزرے پل سائیاں
رکھ سانبھ کے اِنج جوانی نوں
جِویں وچ تلاباں جل سائیاں
جد اُس دی رحمت ہوندی اے
فِر چھیڑیں وی جل تھل سائیاں
بھج بھج کے شَیواں پھڑنا ایں
کیہ ہویا تینوں جھل سائیاں
اللّہ نال یاری اوکھی اے
اوتھے لہہ جاندی اے کھل سائیاں
حوالہ: ﷲ میاں تھلے آ؛ صفحہ 123