بدبختاں دیاں کون سمبھالاں کردا اے
ربّ وی لوکاں نال کمالاں کردا اے؟
جے دھرتی تے عاشق دی کوئی لوڑ نہیں
پیدا کیوں فیر پری جمالاں کردا اے؟
جے ربّ گھلے رزق 'چ ڈنڈی وجدی نہیں
محنت کش فیر کیوں ہڑتالاں کردا اے ؟
جے نہیں چنگا لگدا مخبر گھلّ گھلّ کے
حسب نسب دیاں کیوں پڑتالاں کردا اے ؟
تنگدستی دی بازی جِتنی سوکھی نہیں
ویلا پٹھیاں سدھیاں چالاں کردا اے
بابو موت سنیہا دیوے جھڑکاں نے
افسر روز معشوق نوں کالاں کردا اے
حوالہ: ﷲ میاں تھلے آ؛ صفحہ 80