جھناں دیا پانیا

وے جھناں دیا پانیا
وگدے سمے دیا ہانیا

تیرے کنڈڑے بہہ کے ملا وے
اک پور حیاتی ہنڈاء لیا
جد واج پئی سی عشقے دی
اساں پیر تیرے چ پا لیا

تو وگدا رہیا تو وگدا رہیا
نال سمے دے بھجدا رہیا
کدے نہ رُکیا، کدے نہ پچھیا
نہ ای ویکھیا کسے ول
پتناں تے بیٹھے نوں
کھاگئی سی کیہڑی گل

تیرے امرت ورگے پانی دی
بُک بھری تے پی لئی
تیری بے پرواہی ہتھوں
اسی جیبھ نمانی سی لئی
وے جھناں دیا پانیا
وگدے سمے دیا ہانیا