ویہن سمے دا

کِتھے نیں اوہ بیری دے رُکھ
جس دی ٹھنڈڑی چھانواں ہیٹھاں
بُھل جاندی سی ماں
شاماں تیکر لیندے نہیں ساں
گھر جاون دا ناں

کِتھے نیں اوہ مِٹھڑے کُھوہ
تےجوتے لگی جوڑی
کِتھے نیں اوہ اُچے شملے
کھوہ تے بجھی گھوڑی

کِتھے نیں اوہ سجن بیلی
تے مٹیاراں سیاں
ہُنے ہُنے سن گِیٹے چھڈے
-- ہُنے اوہ کِدھر گئیاں

نہ اوہ چوبھے، نہ اوہ بیلن
نہ گنے دی روہ
نہ اوہ ویلا ، نہ اوہ میلہ
نہ ای میں، نہ ای اوہ ---

حوالہ: وکھ ہون توں پہلاں؛ ٹوپیکل پبلشرز لاہور؛ صفحہ 79 ( ویکھو )