ਚੰਬੇ ਦੀ ਖ਼ੁਸ਼ਬੂ

ਚੰਬੇ ਦੀ ਖ਼ੁਸ਼ਬੂ

ਸੱਜਣ ਜੀ
ਮੈਂ ਚੰਬੇ ਦੀ ਖ਼ੁਸ਼ਬੂ
ਇਕ ਦੋ ਚਮਨ ਹੋਰ ਹੰਢਾ
ਅਸਾਂ ਉੱਡ ਪਿਡ ਜਾਣਾ ਹੋ
ਸੱਜਣ ਜੀ
ਮੈਂ ਚੰਬੇ ਦੀ ਖ਼ੁਸ਼ਬੂ

ਧੀ ਬੇਗਾਨੀ ਮੈਂ ਪਰਦੇਸਣ
ਟੁਰ ਤੈਂਡੇ ਦਰ ਆਈਯ
ਸੀਅਆਂ ਕੋਹ ਮੇਰੇ ਪੈਰੀਂ ਪੈਂਡਾ
ਭੁੱਖੀ ਤੇ ਤਰੇਹਾਈ
ਟੁਰਦੇ ਟੁਰਦੇ ਸੱਜਣ ਜੀ
ਸਾਨੂੰ ਗਿਆ ਕੁਵੇਲਾ ਹੋ੧
ਸੱਜਣ ਜੀ
ਮੈਂ ਚੰਬੇ ਦੀ ਖ਼ੁਸ਼ਬੂ
ਸੱਜਣ ਜੀ
ਅਸਾਂ ਮੰਨਿਆ ਕਿ
ਹਰ ਸਾਹ ਹੂੰਦਾ ਹੈ ਕੋਸਾ
ਪਰ ਹਰ ਸਾਹ ਨਾ ਚਮਨ ਬਣਦਾ
ਨਾ ਹਰ ਚਮਨ ਹੌਕਾ
ਨਾ ਹਰ ਤੂਤ ਦਾ ਪੁੱਤਰ ਬਣਦਾ
ਰੇਸ਼ਮ ਦੀ ਤੰਦ ਹੋ!
ਸੱਜਣ ਜੀ
ਮੈਂ ਚੰਬੇ ਦੀ ਖ਼ੁਸ਼ਬੂ

ਸੱਜਣ ਜੀ
ਅਸੀਂ ਚਮਨ ਦੇ ਗੱਲ
ਕੱਤ ਬੁੱਧ ਬਾਹੀਂ ਪਾਈਏ
ਜੇ ਪਾਈਏ ਤਾਂ ਫ਼ਜਰੋਂ ਪਹਿਲਾਂ
ਦੋਵੇਂ ਹੀ ਮਰ ਜਾਈਏ
ਸਮਝ ਨਾ ਆਵਯੇ
ਚਮਨ ਮਹਿੰਗਾ
ਜਾਂ ਜਿੰਦ ਮਹਿੰਗੀ ਹੋ
ਸੱਜਣ ਜੀ
ਮੈਂ ਚੰਬੇ ਦੀ ਖ਼ੁਸ਼ਬੂ
ਇਕ ਦੋ ਚਮਨ ਹੋਰ ਹੰਢਾ
ਅਸਾਂ ਉੱਡ ਪਿਡ ਜਾਣਾ ਹੋ!

ਸ਼ਿਵ ਕੁਮਾਰ ਬਟਾਲਵੀ ਦੀ ਹੋਰ ਕਵਿਤਾ

• ⟩  ਅਸਾਂ ਤਾਂ ਜੋਬਨ ਰੁੱਤੇ ਮਰਨਾ
• ⟩  ਅੱਜ ਫ਼ੇਰ ਦਿਲ ਗ਼ਰੀਬ ਇਕ ਪਾਂਦਾ ਹੈ ਵਾਸਤਾ
• ⟩  ਇਕ ਕੁੜੀ ਜਿਦ੍ਹਾ ਨਾਂ ਮੁਹੱਬਤ
• ⟩  ਇਤਰਾਂ ਦੇ ਚੋ
• ⟩  ਇਹ ਕੇਹੇ ਦਿਨ ਆਏ
• ⟩  ਇਹ ਮੇਰਾ ਗੀਤ
• ⟩  ਉਮਰਾਂ ਦੇ ਸਰਵਰ
• ⟩  ਕਰਜ਼
• ⟩  ਕੀ ਪੁੱਛਦਿਉ ਹਾਲ ਫ਼ਕੀਰਾਂ ਦਾ
• ⟩  ਕੌਣ ਮੇਰੇ ਸ਼ਹਿਰ ਆ ਕੇ ਮੁੜ ਗਿਆ
• ⟩  ਸ਼ਿਵ ਕੁਮਾਰ ਬਟਾਲਵੀ ਦੀ ਸਾਰੀ ਕਵਿਤਾ