چنبے دی خوشبو
سجن جی
میں چنبے دی خوشبو
اک دو چمن ہور ہنڈھا
اساں اُڈ پڈ جانا ہو
سجن جی
میں چنبے دی خوشبو
دھی بیگانی میں پردیسن
ٹر تینڈے در آئی
سیئاں کوہ میرے پیریں پینڈا
بھکھی تے تریہائی
ٹُردے ٹُردے سجن جی
سانوں گیا کویلا ہو۱
سجن جی
میں چنبے دی خوشبو
سجن جی
اساں منیا کہ
ہر ساہ ہوندہ ہے کوسا
پر ہر ساہ نہ چمن بندہ
نہ ہر چمن ہوکا
نہ ہر توت دا پتر بندہ
ریشم دی تند ہو!
سجن جی
میں چنبے دی خوشبو
سجن جی
اسیں چُمن دے گل
کت بدھ باہیں پایئے
جے پایئے تاں فجروں پہلاں
دوویں ہی مر جایئے
سمجھ نا آوے
چُمن مہنگا
جاں جند مہنگی ہو
سجن جی
میں چنبے دی خوشبو
اک دو چمن ہور ہنڈھا
اساں اُڈ پُڈ جانا ہو!
حوالہ: کلامِ شِو؛ سانجھ؛ 2017؛ صفحہ 390 ( ویکھو )
