غماں دی رات لمّی اے
جاں میرے گیت لمّے نیں
نہ بھیڑی رات مُکدی اے
نہ میرے گیت مُکدے نیں
ایہہ سَر کِنے کُو ڈُونگھے نیں
کسے نے ہاتھ نہ پائی
نہ برساتاں چ چڑھدے نیں
تے نہ اؤڑاں چ سُکدے نیں
میرے ہڈ ہی اولّے نیں
جو اگ لایاں نہیں سڑ دے
نیں سڑ دے ہؤکیاں دے نال
ہاواں نال دُھکھدے نیں
ایہہ پھٹ ہَن عشق دے
ایہناں دی یارو کیہ دوا ہووے
ایہہ ہتھ لایاں وی دُکھدے نیں
ملھم لایاں وی دُکھدے نیں
جے گوری رات ہے چن دی
تاں کالی رات ہے کِس دی؟
نہ لُکدا اے تاریاں وِچ چن
نہ تارے چن چ لُکدے نیں
حوالہ: کلامِ شِو؛ سانجھ؛ 2017؛ صفحہ 64 ( ویکھو )
