عُمراں دے سرور ساہواں دا پانی گیتا وے چُنج بھریں بھلکے نہ رہنے پِیڑاں دے چانن ہاواں دے ہنس سریں گیتا وے چُنج بھریں گیتا وے عُمراں دے سرور چھلیے پل چِھن بھر سُک جاندے ساہواں دے پانی پیلے وے اڑیا اَن چاہیاں پِھٹ جاندے بَھلکے نہ سانوں دئیں اُلانبھڑا بَھلکے نہ روس کریں گیتا وے چُنج بھریں ہاواں دے ہنس سُنیندے وے لوبھی دِل مردا تاں گاندے ایہہ بِرہوں رُت ہنجو چُگدے چُگدے تے اُڈ جاندے ایسے اُڈ دے مار اُڈاری مُڑ نہ آون گھریں گیتا وے چُنج بھریں گیتا وے چُنج بھریں تاں تیری سونے چُنج مڑ ھاواں میں چندری تیری بردی تِھیواں نال تھیے پرچھاواں ہاڑا ای وے نہ توں تِریہایا میرے وانگ مریں گیتا وے چُنج بھریں عُمراں دے سرور ساہواں دا پانی گیتا وے چُنج بھریں بَھلکے نہ رہنے پِیڑاں دے چانن ہاواں دے ہنس سریں گیتا وے چنج بھریں
