جدوں میں گیت لکھدا ہاں
جوانی نوں بلا لینداں
جو ستیاں تھکّ کے ریجھاں
اوہناں نوں پھر جگا لینداں
مری ساتھن، مری ہانن
جدوں ڈولے 'چ آئی سی
سی باہیں چھنکدا چوڑا
ہتھیں مہندی لگائی سی
میں اوسے یاد دا پلہ اٹھا
اک جھات پا لینداں
جدوں میں گیت لکھدا ہاں
جوانی نوں بلا لینداں
میں چند چنداں 'چ گھریا ویکھیا سی
پھر بھلایا نہیں
لنگھائیاں سینکڑے پنیاں
نظر وچ اک ٹکایا نہیں
جدوں چاہواں میں
چیتا لونگ دا کر
دن چڑھا لینداں
جدوں میں گیت لکھدا ہاں
جوانی نوں بلا لینداں
اوہو گانے دی چھوہ پہلی
اتے دیدار اوہ پہلا
پرانا ہون نہیں دتا
میں سجرا پیار اوہ پہلا
میں اس شرما رہی 'ہاں جی' نوں
شبداں وچ وٹا لینداں ۔
جدوں میں گیت لکھدا ہاں
جوانی نوں بلا لینداں
کتوں چاندی دے بوراں دا
جاں مٹھا ساز سندا ہاں
میں پہلی دھڑکدے دل دی
اوہی آواز سندا ہاں
سنے جو پھرکدے بلھوں
اوہو ٹپے درھا لینداں
جدوں میں گیت لکھدا ہاں
جوانی نوں بلا لینداں
پچھڑدی عمر ہے جیوں جیوں
ترقی ہے خیالاں دی
بھلیکھا کھان پئے متر
سفیدی ویکھ والاں دی
میں شاعر ہاں
تے چاہواں جیہو جہی
دنیاں بناں لینداں
جدوں میں گیت لکھدا ہاں
جوانی نوں بلا لینداں
