کربل نوں سوال

کربل!
تیری مٹی اندر
کِنے سورج سُتے نیں؟
جیہڑے لاٹ منارے لے کے
شہر مدینیوں چلے سی
کُوڑ جنھاں نے
رد وکھایا
حق جنھاں دے پلے سی

حُر توں پاک امام سِداں
اوہ سارے ای
اک سدّا سن
سدا جیہڑا کِھلر کے
ہن صدیاں تیکر زندہ اے
اُس سدّے دے ساہویں
جووی
ظالم اے، شرمندہ اے
حیرت اے جے
فصل یزیداں دی نہیں
ساتھوں کپّی گئی
حداں واہیاں

جنھاں
اوہناں کولوں
حد نہیں ٹپّی گئی
ویلے کول
سوال بڑے نیہں
ساڈے کول جواب ای نیں
نمو جھانے
سوچ رہے آں
ایہ حسینی خواب ای نہیں
کیہ ایہ
اک سوال نہیں؟
جے چارے کوٹ ہنھیرا اے
کیہ ویلا ایہ واج نہیں دیندا
کِنّی دُور سویرا اے؟؟؟
خورے

کِنّے کو دن باقی
حالے لارے بُتے نیں؟
کربل!
تیری مٹی اندر
کِنّے سورج سُتّے نیں؟