دکھاں بھریا دل پیمانہ چھڈّ پرے
کی ایہہ ہستی دا میخانا چھڈّ پرے
چل مڑ چلیئے ایس سفر توں کی لینا
ویرانے اگے ویرانہ چھڈّ پرے
دے کے جان وی چھٹ جائیے تاں چنگا ہے
بھر دے جیون دا جرمانہ چھڈّ پرے
پنچھی دا دل کمبے تیرے ہتھ کمبن
تیتھوں لگنا نہیں نشانہ چھڈّ پرے
بڈھیاں گھاگاں نال سوال جواب نہ کر
کھا پی لے کجھ روز جوانا چھڈّ پرے
ڈھکی رہن دے ساڈے نال حساب نہ کر
پچھتاویں گا بے ایمانہ چھڈّ پرے
سوچیں گاں تاں شکر وہُ ہو جائیگی
کی اپنا تے کی بیگانا چھڈّ پرے
تیتھوں نئیں اٹھنے ایہہ اکھر ہنجُواں دے
رہن دے توں وڈیا دیوانا چھڈّ پرے
