کجھ کیہا تاں ہنیرا جرے گا کویں
چپّ رہا تاں شمعدان کی کیہن گے
گیت دی موت اس رات جے ہو گئی
میرا جینا میرے یار کِنج سہن گے
اس عدالت وچ بندے بِرکھ ہو گئے
فیصلے سندیاں سندیاں سک گئے
آکھو اینہاں نوں اجڑے گھرِیں جان ہن
ایہہ کدوں تیک ایتھے کھڑے رہنگے
یار میرے جو اس آس 'تے مر گئے
کہ میں اوہناں دے دکھ دا بناواں گا گیت
جے میں چپّ ہی رہا جے میں کجھ نہ کیہا
بن کے روحاں سدا بھٹکدے ریہن گے
جو ودیشاں وچ رلدے نے روزی لئی
اوہ جدوں دیش پرتن گے اپنے کدی
کجھ تاں سیکن گے ماں دے سِوے دی اَگَن
باقی قبراں دے رکھ ہیٹھ جا بہن گے
کی ایہہ انصاف ہؤ میں دے پتّ کرن گے
کی ایہہ خاموش پتھر دے بتّ کرن گے
جو صلیباں تے ٹنگے نے لتھنے نہیں
راج بدلن گے سورج چڑھن لیہن گے
ایہہ جو رنگاں وچ چترے نے کُھر جان گے
ایہہ جو مرمر وچ اکڑے نے مٹ جان گے
بلدے ہتھاں نے جیہڑے ہوا وچ لکھے
حرف اوہی ہمیشہ لکھے جان گے
ایہہ وی شاید میرا اپنا وہم ہے
کوئی دیوا جگے گا میری قبر تے
جے ہوا ایہہ رہی قبراں اتے تاں کی
سبھ گھراں وچ وی دیوے بجھے ریہن گے
