لگی نظر پنجاب نوں، ایدھی نظر اتارو
لے کے مرچاں کوڑیاں، ایہدے سر توں وارو
سر توں وارو، وار کے، اگّ دے وچ ساڑو
لگی نظر پنجاب نوں، ایدھی نظر اتارو
مرچاں زہروں کوڑیاں، مرچاں سر سڑیاں
کدھروں لین نہ جانیاں، ویہڑے وچ بڑیاں
پہلی بھروِیں فصل، ایناں دی اودوں لگی
جد آپے پنجابیاں، پنجابی چھڈی
تے پھر اگلی فصل دے، بیہہ گئے کھلارے
وڈھے گئے نِردوش جدوں، راہ جاندے مارے
وڈھن والے کون سن ایہہ بھیت نہ لگا
پر بیدوشاں خون تاں پگاں سر لگا
اوہی چھٹے خون دے، بن گئے بہانہ
ساڈی پگّ نوں پے گیا اپنا بیگانہ
جتھوں تک چھاں تخت دی اگّاں ہی اگّاں
چوک چراہے سڑدیاں پگاں ہی پگاں
پتے بوٹے ڈوڈیاں پھلاں دیاں لڑیاں
سبھ کجھ اگّ وچ سڑ گیا
مرچاں نہ سڑیاں
اوہ مرچاں زہریلیاں
ایدھے سر توں وارو
سر توں وارو وار کے
اگّ دے وچ ساڑو
اگّ پتراں دی جیبھ ہے
اودی بھیٹا چاڑھو
اوہ پتراں دا بیجیا
بیتے سنگ ساڑو
لگی نظر پنجاب نوں، ایدھی نظر اتارو
لے کے مرچاں کوڑیاں ایدھے سر توں وارو
