سر کہکشاں دا جو تاج سی

سر کہکشاں دا جو تاج سی
نہ سی جھکھڑاں وچ وی ڈولیا
اج ایہہ کیسا ہؤکا ہے توں لیا
میرا تاج مٹی وچ رل گیا

ایہہ ہے عشقَ دی درگاہ میاں
جے ہے تاج پیارا تاں جاہ میاں
جیہنوں سر دی نہ پرواہ میاں
اوہدا جاندا سجدہ قبولیا

ایہہ بول جو تیرے دل وچ سی
اوہ توں دل وچ کیوں دفنا لیا
کیوں توں ساہ نوں سولی اُتے چاڑھ کے
میری جان ہؤکا بنا لیا

تیرے نیناں وچ جیہڑے عکس سن
میرے کول آ توں لکا لئیے
میرے دل دا شیشہ تاں دوستا
تیری احتیاط نے توڑیا

ہائے زندگی، ہائے آدمی
ہائے عشقَ، ہائے حقیقتو
میں سمجھ گیاں کل بات بسّ
سمجھاؤنا دل نوں ہی رہِ گیا

ہے عجیب گلّ کجھ پل ہی سن
کل عمر زخمی کر گئے
ایوں کھب گئے اودے کالزے
کہ درخت سولی ہی بن گیا

ایویں ضد نہ کر کہ توں ویکھنا
اوہدے دل دی آخری پرت نوں
چھڈّ رہن دے تینوں آکھداں
مینوں پھیر نہ آکھیں جے ڈر گیا

کوئی ہور میری پناہ نہ سی
تے قدم دھرن لئی راہ نہ سی
تیرا تیر ہی لا کے کالجے
میں تاں اپنی رتّ اُتے ہی سَوں گیا

میرا مڑ سئمبر جت توں
میری نظم نے مینوں آکھیا
کلّ درد بنیا اوہ شخص اک
تینوں ہجروغم 'چ ہرا گیا

ایہہ جو نال نال نے مقبرے
اک پیاس دا اک نیر دا
کوئی پیاس پیاسی جو مر گئی
میرا نیر تڑپ کے مر گیا

لے ایہہ جسم تیرا ہے سانبھ لے
اوہدا اس 'تے کوئی نشان نہ
توں نہ ڈھونڈ اس نوں وجود 'چوں
میں تاں روح 'چ اس نوں رلا لیا

میرا خواب ہنجُو 'چ ڈھل گیا
پھر ڈگّ کے خاک 'چ رل گیا
توں یقین کر اوہ چلا گیا
اوہنوں ساغراں نے بلا لیا

بن لاٹ بیلا سی بل رہا
اتے ریت ریت چناب سی
ایہہ عجیب قسم دا خواب سی
کریں مہر میریا مالکا

کسے راگ وچ ویراگ نوں
ہن بدل لے، اٹھ جاگ توں
ایہی واک کہہ میرے درد نے
ہر رات مینوں جگا لیا

اٹھ اچے سچے خیال بن
کوئی رشماں کرناں دا جال بن
کسے ہور نہ تینوں بوچنا
جے توں ہن بلندی توں گر گیا