اینی جنّی گل سی ایویں دل اُتّے توں لا لئی

اینی جنّی گل سی ایویں دل اُتّے توں لا لئی
کیہ ہویا جے پیسے ناہیں میرے کول دوا لئی

اُچیاں میحلاں والیو! کیہ تکلیف تسانوں
اپنےگھر دی کندھ میں جیکر ڈھا لئی ذرا ہوا لئی

چنگی تینوں لگد ی کیویں اپنے سوہنے گھر دے نال
مٹی دی سی کُلی میری، ایسے لئی میں ڈھا لئی

وچھڑے سجناں دا دُکھ مینوں اج تیکر نہیں بُھلیا
مُکی پیڑ نہیں پہلی حالے، اگلی ہور ودھا لئی

مُڑ کے ہُن نہیں آؤنا طاہر ایناں ہُن اور دُور گیا
ایسے لئی میں اوہدے مورت کمرے وچ سجا لئی