غیراں دے نال پھرنا تیرا، سانوں یار گوارا نہیں

غیراں دے نال پھرنا تیرا، سانوں یار گوارا نہیں
تیرے وانگوں روز ای سانوں آؤندا لانا لارا نہیں

اجدے رانجھے چوچک لئی نہیں، ڈِھڈ دے چاکر بن دے نہیں
سُفنا سچا کرن لئی ہُن کوئی چھڈ دا تخت ہزارا نہیں

میں فنکار ہاں پوجن دے لئی نواں کوئی بُت بنا لاں گا
نہ کر مان حُسن تے ایناں توں اسمانی تارا نہیں

حُسن جوانی باغ بہاراں، سبھ کجھ ایتھے رہ جانا
جوگیاں والا پھیرا سبھ دا، آؤنا کسے دبارا نہیں

سُکھ دے ساہ جے لین نہ دِتّے زرداراں نے کمیاں نوں
زرداراں دا سمجھ لئیں طاہر ایتھے فیر گزارا نہیں