ਉਹਦਾ ਚੇਤਾ ਨਾਲ਼ ਹੁੰਦਾ ਏ

ਉਹਦਾ ਚੇਤਾ ਨਾਲ਼ ਹੁੰਦਾ ਏ
ਇਕ ਇਕ ਸ਼ਿਅਰ ਕਮਾਲ ਹੁੰਦਾ ਏ

ਕਿਸੇ ਵੀ ਗੱਲ ਤੇ ਅੜ ਜਾਂਦਾ ਏ
ਦਿਲ ਤੇ ਜ਼ਿੱਦੀ ਬਾਲ ਹੁੰਦਾ ਏ

ਸਬਰ ਨੂੰ ਕੁਸ਼ਤਾ ਕਰਦੀ ਪਈ ਆਂ
ਵੇਖੋ ਕਦੋਂ ਵਿਸਾਲ ਹੁੰਦਾ ਏ

ਧੀ ਨੂੰ ਕਿਉਂ ਤੂੰ ਭੈੜਾ ਆਖੇਂ
ਧੀਆਂ ਲੁੱਟ ਦਾ ਮਾਲ ਹੁੰਦਾ ਏ?

ਅੱਧੇ ਘੰਟੇ ਬਾਅਦ ਆਵੇਂਗਾ
ਅੱਧਾ ਘੰਟਾ ਸਾਲ ਹੁੰਦਾ ਏ

ਕੱਚੇ ਦੁੱਧ ਦੇ ਵਾਂਗ ਇਹ ਅੱਥਰੂ
ਕੜ੍ਹ ਕੜ੍ਹ ਗਾੜ੍ਹਾ ਲਾਲ਼ ਹੁੰਦਾ ਏ

ਤਾਹਿਰਾ ਸਰਾ ਦੀ ਹੋਰ ਕਵਿਤਾ

• ⟩  ਅਸੀਂ ਕਿੱਥੇ ਖਲੋਤੇ ਆਂ
• ⟩  ਅੱਜਕਲ੍ਹ ਕਿੱਥੇ ਰਹਿੰਦਾ ਏਂ
• ⟩  ਆਦਮ ਦਿਆ ਪੱਤਰਾ
• ⟩  ਉਹਦਾ ਚੇਤਾ ਨਾਲ਼ ਹੁੰਦਾ ਏ
• ⟩  ਉਹਦੀ ਮੇਰੀ ਰਹਿ ਨਹੀਂ ਆਈ
• ⟩  ਕੀ ਕਹਿਣਾ ਏਂ ਮੇਰੇ ਤੇ ਇਤਬਾਰ ਨਈਂ
• ⟩  ਕੰਧਾਂ ਕੋਠੇ ਡੋਰੇ ਹੋ ਗਏ ਸੁਣ ਸੁਣ ਰੌਲੇ ਅੱਖਾਂ ਦੇ
• ⟩  ਜਾ ਨੀ ਪਿੱਛਲ ਪੈਰੀਏ ਸਾਹਿਬਾਂ! ਮਾਣ ਵਧਾਇਆ ਈ ਵੀਰਾਂ ਦਾ
• ⟩  ਤੇਰੇ ਬਿਨ ਜੋ ਸਾਹ ਲੈਣਾ ਏ
• ⟩  ਦਿਲ ਸੀਨੇ ਚੋਂ ਡਿੱਗਣ ਨੂੰ ਪਿਆ ਕਰਦਾ ਏ
• ⟩  ਤਾਹਿਰਾ ਸਰਾ ਦੀ ਸਾਰੀ ਕਵਿਤਾ