ڈردے کیوں ہو
کیوں ڈردے ہو
بولی ساڈے ساہ وِچ سُر ہے
بولی رزق حلال
بولی کِتے نئیں جاندی
بولی کھیڈ نئیں شبداں والا
شبد نوں سان تے رکھیے
نویں نتارے کرئیے
ساوے پَتر چُمّئیے
جگ نوں پیار دی تکنی دئیے
بولی کِتے نئیں جاندی
بولی ساڈے ہتھ دا کرم اے
لکڑ لوہا مٹی
ساڈی انگلاں وچ سویکار
نویوں نواں وسیب
بولی کِتے نئیں جاندی
ویہڑے ویہڑے رُکھ چندن دا
جس دی چھانویں
کڑیاں ہسن منڈے نچن
ماواں پڑھن کتاب
بولی کِتے نئیں جاندی
پوہ دا روگ ہمیش نئیں رہنا
ساؤن تے اکّھی رکھئیے
تانگھ دِلے دے گُرمندر وچ
جیوندے رئے تے راوی وگ سی
بولی کِتے نئیں جاندی
