ہیر وارث شاہ

اَکھیں لگیاں مُڑن نہ وِیر میرے

اَکھیں لگیاں مُڑن نہ وِیر میرے
بی بی وار گھتی بلہاریاں وے

ویہن پئے دریا نہ کدی مُڑ دے
وڈّے لا رہے زور زاریاں وے

لہو نکلنوں رہے نہ مُول ویرا
جتھے لگیاں تیز کٹاریاں وے

لگے دست اِک وار نہ بند کیجن
وید لکھدے وید گیاں ساریاں وے

سِردتیاں باجھ نہ عشق پگّے
ایہہ نہیں سکھالیاں یاریاں وے

وارث شاہ میاں بھائی ورجدے نیں
ویکھو عِشق بنائیاں خواریاں وے