ਕੈਦੋ ਆਖਦਾ ਮਲਕੀਏ ਭੇੜੀਏ ਨੀ
ਤੇਰੀ ਧੀਵ ਵੱਡਾ ਚਨਚਰਚਾਿਆ ਈ
ਜਾ ਨਈਂ ਤੇ ਚਾਕ ਦੇ ਨਾਲ਼ ਘੁੱਲਦੀ
ਇਸ ਮੁਲਕ ਦਾ ਰਥ ਗਵਾਇਆ ਈ
ਮਾਂ ਬਾਪ ਕਾਜ਼ੀ ਸਭੇ ਹਾਰ ਥੱਕੇ
ਏਸ ਇੱਕ ਨਾ ਜੀਵ ਤੇ ਲਾਇਆ ਈ
ਮੂੰਹ ਘਟ ਰਹੇ ਵਾਲ਼ ਪੁੱਟ ਰਹੇ
ਲਿੰਗ ਕੱਟ ਰਹੇ ਮੈਨੂੰ ਤਾਇਆ ਈ
ਜੰਘ ਜੱਟ ਰਹੇ ਝਾਟਾ ਪੁੱਟ ਰਹੇ
ਅੰਤ ਹਟ ਰਹੇ ਗ਼ੈਬ ਚਾਇਆ ਈ
ਲੁੱਟ ਪੁੱਟ ਰਹੇ ਤੇ ਨਿਖੁੱਟ ਰਹੇ
ਲਤੀਂ ਜੱਟ ਰਹੇ ਲਟਕਾਇਆ ਈ
ਮੱਤੀਂ ਦੇ ਰਹੇ ਪੈਰ ਸਿਓਂ ਰਹੇ
ਪੈਰੀਂ ਪਏ ਰਹੇ ਲੋੜ੍ਹਾ ਆਇਆ ਈ
ਵਾਰਿਸ ਸ਼ਾਹ ਮੀਆਂ ਸੁੱਤੇ ਮਾਮਲੇ ਨੂੰ
ਲੰਗੇ ਰਿੱਛ ਨੇ ਮੋੜ ਜਗਾਇਆ ਈ
