ਪਰ੍ਹੇ ਵਿਚ ਬੇ ਗ਼ੈਰਤੀ ਕੱਲ੍ਹ ਹੋਈ
ਚੋਭ ਵਿਚ ਕਲੇਜੇ ਦੇ ਚਸਕਦੀ ਏ
ਬੇਸ਼ਰਮ ਹੈ ਟੱਪ ਕੇ ਸਿਰੇ ਚੜ੍ਹਦਾ
ਭਲੇ ਆਦਮੀ ਦੀ ਜਾਨ ਧਸਕਦੀ ਏ
ਚੂਚਕ ਘੋੜੇ ਤੇ ਤੁਰਤ ਅਸਵਾਰ ਹੋਇਆ
ਹੱਥ ਸਾਂਗ ਜਿਉਂ ਬਿਜਲੀ ਲਿਸ਼ਕਦੀ ਏ
ਸਨਬ ਘੋੜੇ ਦੇ ਕਾੜ ਹੀ ਕਾੜ ਵੱਜਣ
ਹੀਰ ਸੁਣਦਿਆਂ ਰਾਂਝੇ ਥੋਂ ਖਿਸਕਦੀ ਏ
ਅੱਠ ਰਾਂਝਿਆ ਬਾਬਲ ਆਓ ਨਦਾਈ
ਨਾਲੇ ਗੱਲ ਕਰਦੀ ਨਾਲੇ ਰਸ਼ਕਦੀ ਏ
ਮੈਨੂੰ ਛੱਡ ਸਹੇਲੀਆਂ ਨੱਸ ਗਿਆਂ
ਮੁੱਕਰ ਨਾਲ਼ ਹੌਲੀ ਹੌਲੀ ਬਸਕਦੀ ਏ
ਵਾਰਿਸ ਸ਼ਾਹ ਜਿਉਂ ਮੋਰਚੇ ਬੈਠ ਬੱਲੀ
ਸਾਹ ਘੱਟ ਜਾਂਦੀ ਨਾਹੀਂ ਕੁਸਕਦੀ ਏ
