ہیر وارث شاہ

کریں آکڑاں کھائے کے ددھ چاول

کریں آکڑاں کھائے کے ددھ چاول
ایہہ رج کے کھان دیاں مستیاں نیں

آکھن دیورے نال نہال ہوئیاں
سانوں سب شریکنیاں ہسدیاں نیں

ایہہ رانجھے دے نال ہین گھیو شکر
پر جیو دا بھید نہ دسدیاں نیں

رناں ڈگدیاں ویکھ کے چھیل منڈا
جویں شہد وچ مکھیاں پھسدیاں نیں

اک توں کلنک ہیں اساں لگا،
ہور سب سکھالیاں وسدیاں نیں

گھروں نکلیں تے پیا مریں بھکھا،
وارث بھل جاون خرمستیاں نیں