نی میں گھول گھتی ایہدے مُکھڑے توں
پاؤ دُدھ چاول ایہدا قُوت ہے نی
الا اللہ دیاں جلیاں پاؤنداہے
ذکرحیُّ تے لایموت ہے نی
نہیں بھابیاں تھے کرتُوت کائی
سبھا لڑن نوں بنی مضبوط ہے نی
جدوں تُساں تھے سی گالیاں دیندیاں ساؤ
ایہہ تاں اُوتنی دا کوئی اُوت ہے نی
ماریا تُساں دے مہنے گالیاں دا
ایہہ تاں سُک کے ہویا تابوت ہے نی
سونپ پیراں نوں جھل وچ چھیڑنی ہاں
ایہدی مدتے خضر ؑ تے لوط ؑ ہے نی
وارثؔ شاہ پھِرے اوہدے مگر لگا
اج تک اوہ ریہا انچھوت ہے نی
