ہیر وارث شاہ

یارو ٹھگ سیال تحقیق جانو

یارو ٹھگ سیال تحقیق جانو
دھیاں ٹھگنیاں سبھ سکھاؤندے جے

پُتر ٹھگ سرداراں دے مٹھیاں ہو
اوہنوں مہیں دا چاک بناؤندے جے

قول ہار زبان دا ساک کھوہن
چاء پیوند ہن ہور دِھر لاؤندے جے

داڑھی شیخ دی چُھرا قصائیاں دا
بیٹھ پر ہے وچ پینچ سداؤندے جے

جٹ چور تے یار تراہ مارن
ڈنڈی موہندے تے سنھاں لاؤندے جے

وارثؔ شاہ ایہہ جٹ نیں ٹھگ سبھے
تری ٹھگنے جٹ چنہاوں دے جے