جیہڑے پنڈ وچ آوے تے لوک پُچھن
ایہہ جوگیڑا بالڑا چھوٹڑا نی
کنیں مُندراں ایس نوں نہ پھبن
ایہدے تیڑ نہ بنے لنگوٹڑا نی
ست جرم کے ہمیں ہاں ناتھ پورے
کدی واہیا ناہیوں جوترا نی
دُکھ بھنجن ناتھ ہے نام میرا
میں دھنتر وید دا پوترا نی
جو کو اساں دے نال دم مار داہے
ایس جگ توں جائے گا اوترا نی
ہیرا ناتھ ہے بڈا گرو دیو لیتا
چلے اوس کا پوجنے چوتڑا نی
وارثؔ شاہ جو کوئی لئے خوشی
ساڈی دُدّھ پتراں دے نال سو ترا نی
