ہیر وارث شاہ

رب جھوٹھ نہ کرے جے ہووے رانجھا

رب جھوٹھ نہ کرے جے ہووے رانجھا
تاں میں چوڑ ہوئی مینوں پٹیا سو

اگے اگ فراق دی ساڑ سٹی
سڑی بلی نوں موڑ کے پھٹیا سو

نالے رن گئی نالے کن پاٹے
آکھ عشق تھیں نفع کیہ کھٹیا سو

میرے واسطے دُکھڑے پھرے جردا
لوہا تاء جیھبے نال چٹیا سو

بُکل وچ چوری چوری ہیر رووے
گھڑا نیر دا چاء پلٹیا سو

ہویا چاک پِنڈے ملی خاک رانجھے
لاہ ننگ ناموس نوں سٹیا سو

وارثؔ شاہ اس عشق دے ونج وچوں
جفا جال کیہ کھٹیا وٹّیا سو