عدل بناں سردار ہے رکھ اپھل
رن کُڈھنی جو وفار دار ناہیں
نیاز بناں ہے کینچنی بانبہ تھانویں
مرد گدھا جو عقل دا یار ناہیں
بِناں آدمیت ناہیں انس جاپے
بنا آب قتال تلوار ناہیں
صبر ذکر عبادتاں باجھ جوگی
دماں باجھ جیون درکار ناہیں
ہمت باجھ جوان بِن حسن دلبر
لون باجھ طعام سوار ناہیں
شرم باجھ مچھاں بناں عمل داڑھی
طلب باجھ فوجاں بھربھار ناہیں
عقل باجھ وزیر صلوٰۃ مومن
دیوان حساب شمار ناہیں
وارثؔ رَن فقیر تلوار گھوڑا
چارے تھوک ایہہ کسے دے یار ناہیں
