ਰਣ ਵੇਖਣੀ ਐਬ ਹੈ ਅੰਨ੍ਹਿਆਂ ਨੂੰ

ਰਣ ਵੇਖਣੀ ਐਬ ਹੈ ਅੰਨ੍ਹਿਆਂ ਨੂੰ
ਰੱਬ ਅੱਖੀਆਂ ਦਿੱਤੀਆਂ ਵੇਖਣੇ ਨੂੰ

ਸਭ ਖ਼ਲਕ ਦਾ ਵੇਖ ਕੇ ਲੇਉ ਮੁਜਰਾ
ਕਰੋ ਦੀਦ ਇਸ ਜੱਗ ਦੇ ਪੀਖਨੇ ਨੂੰ

ਰਾਓ ਰਾਜਿਆਂ ਸਿਰਾਂ ਤੇ ਦਾਓ ਲਾਏ
ਜ਼ਰਾ ਜਾਇ ਕੇ ਅੱਖੀਆਂ ਸੇਕਣੇ ਨੂੰ

ਸਭਾ ਦੀਦ ਮਾਫ਼ ਹੈ ਆਸ਼ਿਕਾਂ ਨੂੰ
ਰੱਬ ਨੈਣ ਦਿੱਤੇ ਜੱਗ ਵੇਖਣੇ ਨੂੰ

ਮਹਾਦੇਵ ਜਿਹੀਆਂ ਪਾਰਬਤੀ ਅੱਗੇ
ਕਾਮ ਲੀਆਵਨਦਾ ਸੀ ਮੱਥਾ ਟੇਕਣੇ ਨੂੰ

ਇਜ਼ਰਾਈਲ ਹੱਥ ਕਲਮ ਲੈ ਵੇਖਦਾ ਈ
ਤੇਰਾ ਨਾਮ ਏਸ ਜੱਗ ਤੋਂ ਛੀਕਨੇ ਨੂੰ

ਵਾਰਿਸ ਸ਼ਾਹ ਮੀਆਂ ਰੋਜ਼ ਹਸ਼ਰ ਦੇ ਨੂੰ
ਅੰਤ ਸਦਮੇਂਗਾ ਲੇਖਾ ਲਿਖਣੇ ਨੂੰ

ਵਾਰਿਸ ਸ਼ਾਹ ਦੀ ਹੋਰ ਕਵਿਤਾ

• ⟩  ਜਿਹੀ ਨਿਯਤ ਹਈ ਤਹੀ ਮੁਰਾਦ ਮਿਲਿਆ 366
• ⟩  ਸੋਇਨਾ ਰੁਪੜਾ ਸ਼ਾਨ ਸਵਾਣੀਆਂ ਦਾ 367
• ⟩  ਛੇੜ ਖੁੰਦਰਾਂ ਭੀੜ ਮਚਾਵਨਾਈਂ 368
• ⟩  ਫ਼ਕ਼ਰ ਸ਼ੇਰ ਦਾ ਆਖਦੇ ਹਨ ਬੁਰਕਾ 369
• ⟩  ਅਸੀਂ ਭੂਤ ਦੀ ਅਕਲ ਗੁਆ ਦਈਏ 370
• ⟩  ਅਸਾਂ ਮਹੰਤਾਂ ਡਾਹਢੀਆਂ ਕੀਤੀਆਂ ਨੀ 371
• ⟩  ਫਿਰ ਪਹੁੰਚਿਆ ਬੇਰ ਬਿਤਾ ਲਿਆਵੇ 372
• ⟩  ਈਹਾ ਰਸਮ ਕਦੀਮ ਹੈ ਜੋਗੀਆਂ ਦੀ 373
• ⟩  ਜਿਹੜੀਆਂ ਲੇਨ ਉਡਾਰੀਆਂ ਨਾਲ਼ ਬਾਜ਼ਾਂ 374
• ⟩  ਸੰਨ ਸਹਤੀਏ ਅਸੀਂ ਹਾਂ ਨਾਗ ਕਾਲੇ 375
• ⟩  ਵਾਰਿਸ ਸ਼ਾਹ ਦੀ ਸਾਰੀ ਕਵਿਤਾ