رن ویکھنی عیب ہے انھیاں نوں
رب اکھیاں دتیاں ویکھنے نوں
سبھ خلق دا ویکھ کے لیؤ مجرا
کرو دید اس جگ دے پیکھنے نوں
راؤ راجیاں سراں تے داؤ لائے
ذرا جاء کے اکھیاں سیکنے نوں
سبھا دید معاف ہے عاشقاں نوں
رب نین دِتے جگ ویکھنے نوں
مہا دیو جہیاں پاربتی اگے
کام لیاوندا سی متھا ٹیکنے نوں
عزرائیل ہتھ قلم لے ویکھدا ای
تیرا نام ایس جگ توں چھیکنے نوں
وارثؔ شاہ میاں روز حشر دے نوں
انت سدئیں گا لیکھا لیکھنے نوں
