ہیر وارث شاہ

محبوب الہ دے لاڈے ہو

محبوب الہ دے لاڈے ہو
ایس ووہٹڑی نوں کوئی سُول ہے جی

کوئی گجھڑا روگ ہے ایس دھانا
پئی نِت ایہہ رہے رنجول ہے جی

ہتھوں لڑھی وہندی لاہو لتھڑی ہے
دیہی ہو جاندی مخبول ہے جی

مونہوں مِٹھڑی لاڈ دے نال بولے
ہر کسے دے نال معقول ہے جی

مودھا پیا ہے جھگڑا نِت ساڈا
ایہہ ووہٹڑی گھرے دا مول ہے جی

میرے ویر دے نال ہے ویر اِسدا
جیہا کافراں نال رسول ہے جی

اگے ایس دے ساہورے ہتھ بدھے
جو کچھ آکھدی سبھ قبول ہے جی

ایہہ پلنگھ تے کدے نہ اٹھ بیٹھے
ساڈے ڈھڈھ وچ پھرے ڈنڈول ہے جی