ہیر وارث شاہ

ہائے ہائے فقیر نُوں بُرا بولیں

ہائے ہائے فقیر نُوں بُرا بولیں
بُری سہیتے تیری اَپوڑ ہوئے

جنہاں نال نمانیاں ویر چایا
سَنے جان تے مال دے چوڑ ہوئے

کَن پاٹَیاں نال جس چہہ بدھی
پس پیش تھیں انت نوں روڑ ہوئے

رہی اَوت نکھتری رنڈ سنجی
جیہڑی نال ملنگاں دے کوڑ ہوئے

ایہناں تہاں نُوں چھیڑیے نہیں موئیے
جیہڑے عاشق فقیر تے بھور ہوئے

وارث شاہ لڑائی دا مُول بولن
ویکھ دو ہاں دے لڑن دے طور ہوئے