اکّے مراں گی میں اکّے ایس ماراں
اکّے بھابیے تُدھ مرائساں نی
روواں مار بھبّھاں بھائی آوندے تھے
تینوں خواہ مخواہ کٹائساں نی
چاک لیک لائی تینوں ملے بھابی
گلّاں پچھلیاں کڈھ سنائساں نی
اِکے مارئیں توں اکے ہیٹھ جوگی
ایہو گھگری چا وچھائساں نی
سیتا دہسرے نال جو گاہ کیتا
کوئی وڈا گھمنڈ پوائساں نی
رن تاہیں جے گھروں کڈھا تینوں
میں مراد بلوچ ہنڈائساں نی
سر ایس دا وڈھ کے اتے تیرا
ایس ٹھوٹھے دے نال رلائساں نی
رکھ ہیرے توں ایتنی جمع خاطر
تیری رات نوں بھنگ جھڑائساں نی
کٹائساں اتے مرائساں نی
گتوں دُھرو کے گھروں کڈھائساں نی
بھنائساں تے کٹائساں نی
وارث شاہ توں چور کرائساں نی
