کُڑی آکھیا مار نہ پھاوڑی وے
مرجاؤں گی مست دیوانیا وے
لگے پھاوڑی باہوڑی مراں جانوں
رکھ لئیں میاں مستانیا وے
عزرائیل جم آن کے بہے بوہے
نہیں چھٹی دا نال بہانیاں وے
تیری ڈیل ہے دیو دی اسیں پریاں
اکس لت لگے مرجانیاں وے
گل دسنی ہے سو توں دس مینوں
تیرالے سنیہڑا جانیاں وے
میری تائی ہے جیہڑی تُدھ بیلن
اسیں حال تھیں نہیں بیگانیاں وے
تیرے واسطے اوسدی کراں منت
جا ہیر اگے ٹٹانیاں وے
وارثؔ آکھ کیکوں آکھاں جائے اوسنوں
آوے عشق دے کم دیا بانیا وے
