رانجھا وانگ ایمان شرابیاں دے
جُدا ہوئی کے پنڈ تھیں ہار رہیا
نیناں تیریاں جَٹ نوں قتل کیتا
چاک ہوئی کے کھولیاں چار رہیا
توں تاں کھیڑیاں دی بنی چودھرانی
رانجھا روء کے ٹکراں مار رہیا
اَنت کَن پَڑا فقیر ہویا
گھت مُندراں وچ اُجاڑ رہیا
اوہنوں ورن نہ ملے توں ستر خانے
تھک ہُٹ کے انت نوں ہار رہیا
تینوں چاک دی آکھدا جگ سارا
ایویں اوس نوں مہنے مار رہیا
شکر گنج مسعود مودُود وانگوں
اوہ نفس تے حِرص نوں مار رہیا
سِدھا نال تَوکل ٹھیلھ بیڑا
وارث وچ ڈُبا اِکے پار رہیا
